Details

Details
Hér koma myndir frá Gala sýningunni sl. laugardagskvöld. Við, Hafliði Halldórsson, Júlio Borba, Olil Amble og Bergur Jónsson náðum að halda loforðið okkar og fókusera á fallega reiðmennsku og tónlist. Aftir mikinn undirbúning og þjálfun kynntum við "Júlio Borbas Quadrille" sem við teljum að hafi ekki verið sýnt áður. Allar fimm gangtegundir íslenska hestsins og æfingar eins og "shoulder in, leg yields" og "halfpasses", "hind quarters out" og "travers". 11 hestar og knapar með fókus á fjarlægðir, takt rythma, gangtegundir, æfingar og frábæra tónlist. Margir bestu knapa í heiminum tóku þátt í sýningunni, Landsmótssigurvegarar, Íslandsmeistarar, heimsmeistarar og aðrir frægir. Fákasel er sniðið að leiksýningum á hestum þar sem kastljós og sýningarlýsing skópu frábært andrúmsloft auk lifandi músíkur með þeim hæfileikaríku Jóhönnu Guðrúnu Jónsdóttir og manninum hennar, gítarleikaranum Davíð Sigurgeirssyni. Áhorfendur voru frábærir og andrúmsloftið í reiðhöllinni var töfrum líkast, takk fyrir ykkar þátttöku í frábæru kvöldi.
{gallery}Gala show 2020{/gallery}
 

Details
það hefur verið svo mikið að gera undanfarið að við höfum steingleymt að monta okkur yfir þessum tveimur, sem tóku sig til og unnu Parafiminni í Suðurlandsdeildinni. Innilega til hamingju
Árni Sigfús Birgisson og 
Brynja Amble Gísladóttir
, vel að verki staðið.
Myndir: Bjarney Anna Þórisdóttir.
{gallery}Sudurlandsdeildin2020{/gallery}

Details
Við erum mjög glöð yfir móttökunum og gagnrýninni sem sem við höfum fengið fyrir sýnikennsluna okkar The Clinic A-Z, nútíma reiðlist og galasýninguna. Uppselt var sólarhring fyrir og fengu færri pláss en vildu. Allt gekk frábærlega og náðum við að koma töluverðu af því sem okkur langaði á framfæri.
Að okkar mati er þetta eitthvað sem við þurfum að gera meira af, hittast til þess að njóta þess frábæra hests sem við eigum, læra að meta meira en fótaburð og hraða. Íslenski hesturinn hefur ekki BARA fimm gangtegundir, hann hefur svo margt margt fleira. Hann er harðgerður víkingur sem daginn eftir brjálað veður kemur til manns eins og ekkert hafi í skorist, hann er rúmur og afkasta mikill gæðingur, hann er frábær reiðhestur og svo getur hann líka verið viðkvæm ballerína og dansað um í alls konar æfingum. Okkur finnst einnig þörf vera á að auka þjálfun og vegsemd hægu gantegundanna og taka þar með þátt í að lyfta hestinum okkar á þann stall sem hann á skilið.
Með sýnikennslu þessari langaði okkur til að deila með ykkur því sem við höfum verið að vinna að og höfum tileinkað okkur í reiðmennsku síðastliðin 15 ár. Júlio Borba kennarinn okkar hefur verið á hestbaki siðan hann man eftir sér og voru faðir hans og föðurbróðir ásamt Louis Valenca hans helstu lærimeistarar. Júlio Borba var knapi hins konunglega portúgalska reiðskóla um 12 ára skeið og sýndi allar æfingar skólans á hestum af hinu fræga portúgalska Lusitanó kyni. Eftir að hann hætti í reiðskólanum hefur hann starfað samfleytt sem reiðkennari í mörgum löndum og er talinn hafa haft mikil áhrif á þjálfun íslenska hestsins.
Okkur langaði að sýna fram á hversu miklu máli þjálfunin skiptir, að njóta litlu framfaranna og reyna að miðla því að hamingja hestsins felst meðal annars í því að hann skilji og ráði við verkefnið sitt. Því meira sem hann skilur því traustari og glaðari verður hann. Okkur langar að reyna að auka skilning hvers og eins á því hvað hann getur bætt sinn hest stórkostlega með því að þjálfa og nota alltaf sama tungumál, margt smátt gerir eitt stórt.
Markmiðið var að það færi vel um alla, bæði starfsfólkið, knapa, áhorfendur og alla þá sem að þessari sýningu komu. Við lögðum mikla áherslu á að vera með upphitun inni, samtengda sýningarsvæðinu, sem er algjör undirstaða í nútíma innanhúss reiðmennsku.
Nóg að drekka og borða fyrir ALLA og staður til að hvíla og spjalla þegar tækifæri bauðst. Þökkum öllum þeim frábæru aðilum sem styrktu þessa sýningu með fjárframlagi og vinnu, án ykkar hefði þetta ekki orðið að veruleika. Þetta varð frábær samvinna þar sem ótrúlega margir lögðu hönd á plóg og lögð var nánast nótt við dag til þess að koma hlutum í það stand sem við vildum hafa þá.
Maður fyllist þakklæti, yfir því að fá að kynnast og vinna með svo frábæru og fórnfúsu fólki. Allt frá því að ríða í sýningunni í að þrífa og sinna öllum öðrum verkum . Kærar þakkir til ykkar allra, það voru snillingar í öllum störfum.
Þessum skrifum fylgja myndir frá sýnikennslunni, erum enn að bíða eftir því að myndirnar úr galasýningunni verði tilbúnar til birtingar.
 
Fyrir hönd framkvæmdaraðila Olil Amble
Myndir: Bjarney Anna Þórisdóttir.
 {gallery}From the Clinic{/gallery}

Details
Nú er stundin runnin upp, það má segja að undirbúningurinn fyrir þessa sýningu hafi staðið yfir í 12 ár. Við erum snortin yfir viðtökunum, það fengu færri miða en vildu. Við hlökkum til morgundagsins.
The clinic, nútíma reiðlist, hefst kl 11:00 og endar með galasýningu sem hefst kl 20:00.
{gallery}The Clinic finally{/gallery}
 

Details
Elin Holst og Frami frá Ketilsstöðum hófu keppnisárið með því að taka þriðja sætið í fjórgangi í Meistradeildinni, vel gert!
{gallery}MD fjorgangur 2020{/gallery}

Details
þessi hestur fékk frekar huggulegar móttökur hjá nýja eiganda sinum Indira Scherrer í nýja heimilinu í Swiss. Dugur frá Ketilsstöðum undan Heiðursverðlauna hryssunni Djörfung og Ljóna frá Ketilsstöðum sem var að fá 1 verðlaun fyrir afkvæmi. Gaman er frá því að segja að bæði Djörfung og Ljóni eru undan Álfasteini frá Selfossi, enda hesturinn algjör snillingur.
 
 {gallery}Dugur fra Ketilsstodum 2020{/gallery}

Details
Við erum mjög stolt af því að þrjú hross úr okkar ræktun hlutu Heiðursverðlaun fyrir afkvæmi 2019. Það eru Álfasteinn frá Selfossi, Önn og Prýði frá Ketilsstöðum. Ljóni frá Ketilsstöðum hlaut svo 1 verðlaun fyir afkvæmi.
Álfasteinn náði reyndar lágmörkum til heiðursverðlauna árið 2011 og hefur staðið þau siðan, en vegna óskiljanlegra reglna voru þau ekki afhent fyrr en núna.
Ekkert þessara hrossa eru lengur í okkar eigu, enda erum við ræktendur sem þurfa að selja okkar hross til að lífa.
Álfasteinn og Ljóni eru í Danmörku, Álfasteinn fór úr landi 2007 og Ljóni 2013. Gaman er þó að taka fram að báðir hestarnir náðu þessum lágmörkum eingöngu á afkvæmum fæddum á Íslandi, sem sagt búið að sá þokkalega fyrir núverandi eigendur.

{gallery}Heidursverdlaun2019{/gallery}

 

Details

Ég valdi mynd frá gleðistundu hjá Gangmyllunni, til að kveðja 2019 um leið og við óskum öllum farsældar á nýja árínu.

{gallery}NyttAr 2020{/gallery}

Details
Þetta verður eitthvað virkilega gaman að taka þátt í þessu takið daginn frá, miðar koma í sölu bráðlega.
 {gallery}The Clinic 2020{/gallery}

Details
Við óskum ykkur öllum gleðilegra hátíðar og alls hins besta á nýja árinu.

{gallery}Gledileg Jol 2019{/gallery}

 

Details
Töfrar í morgunbirtunni þennan desembermorgun.

{gallery}Desembermorgun2019{/gallery}

 

Details
Julio Borba var með sýnikennslu á Friends Arena, Sweden Horse Show. Virkilega gaman á fá að taka þátt í þessu, en hinn knapinn var Kerstin Dahlberg.
A horse is a horse var nafnið og sýndum við fimi æfingar og áhrif þeirra á hestinn. Kjerstin reið Vulcao af postugisiska Lusitano kyni og ég Álffinn frá Syðri-Gegnishólum. Til að undirstrika að hestur er hestur sama af hvaða kyni hann er, skiptum við um hest til að sýna fram á að knapi er knapi. Reiðmennska er getur verið eins og gekk okkur bara vel og skemmtum okkur konunglega.
{gallery}Friends Arena 2019{/gallery}

Details

Siðastliðin laugardag hlutum við titilin Keppnishestaræktunnarbú ársins 2019 í ljósi þess birti ég hér myndir af helstu afrekum þessa árs.

{gallery}keppnishestaraektunarbu 2019{/gallery}

Details

Ætli Glampi sé að biðja Steinar um að járna sig? 

{gallery}Steinar og Glampi 2019{/gallery}

Details

Fallegt og kalt í gær, tekur smá tíma að venjast kuldann. Hryssurnar komu heim og voru snyrtar og skoðaðar vel og eru nú komnar út á tún.

{gallery}cold october day 2019{/gallery}

 

Details

Olil er stolt og glöð að vera tilnefnd sem íþróttaknapi ársins á íslandi 2019. Blómvöndurinn er aftur á móti frá síðustu helgi þegar Olil var valin íþróttaknapi og knap ársins hjá hestamannafélaginu okkar, Sleipni.

Rauða rósin var fyrir íslandsmeistaratitilinn í fimmgangi.

{gallery}tilnefningar ithrottaknapi 2019{/gallery}

 

Details

Við erum stolt og glöð að vera enn og aftur tilnefnd til Ræktunnarbú ársins og Keppnishestabú ársins 2019. Við viljum nota tækifærið til að óska öllum hinum ræktendunum innilega til hamingju með glæsilegan árangur á árínunu.

{gallery}Raektunar og keppnishestabu arsins tilnenfningar 2019{/gallery}

Details

Þá er ég loksins búin að geta keypt myndband af forkeppni okkar Álfarins frá Heimsmeistaramótinu en þar vorum við efst að lokinni forkeppni. Í úrslitum fór ekki vel eins og flestir vita og enduðum við Álfarinn í sjötta sæti í fimmgangi F1 HM í Berlín 2019.
Eftir ýmsar hugleiðingar er niðurstaðan sú að við Álfarinn áttum framúrskarandi ár á keppnisvellinum, en við tókum þátt í fjórum sterkustu fimmgangs keppnum heims sem voru aðgegnilegar fyrir okkur. Meistaradeildin, Reykjavíkurmeistaramót, Íslandsmót og Heimsmestaramót og urðum efst í öllum forkeppnunum og það á okkar öðru keppnisári. Endanlega varð það annað sæti í Meistaradeildinni, fyrsta sæti á Reykjavíkur- og Íslandsmestaramótum og sjötta sæti á Heimsmeistaramótinu.
Auk þess náðum við þriðja sæti í gæðingafimi Meistaradeildarinnar og erum í fjórða sæti á heimslistanum í fimmgangi, með m.a. hæstu einkunn sem gefin hefur verið í fimmgangi á þessu ári 7,77.
Eftir á að hyggja var endirinn á HM það eina leiðinlega þar sem þetta var okkar Álfarins síðasta keppni saman.

Read more: Myndband frá HM 2019 komið í hús

Details

Hann er 3 vetra þessi foli, undan Álfhildi frá Syðri-Gegnishólum og Meginn frá Ketilsstöðum. Þarna er hann að skoða ömmu sína Álfadísi frá Selfossi og mömmu sína Álfhildi. Vonandi að spá í að líkjast þeim, það væri bara allt í lagi.

{gallery}Alfhildar og Framason 2019{/gallery}

  1. Skeifur í röð og reglu
  2. Grýla og Álfatrú
  3. Morgunstund
  4. Á heimaslóðum
  5. Ketilsstaðir

Page 1 of 32